Já vá,frekar langt síðan ég skrifaði inn einhverja færslu á þetta blessaða blogg mitt.

Margt búið að gerast þetta síðasta ár. Ég gekk í gegnum erfiðasta part lífs míns í maí og ég mun aldrei jafna mig alveg,get einungis lært að lifa með þessu. Ég sakna tengdapabba míns daglega og mér finnst erfitt að vita til þess að börnin mín fái ekki að kynnast honum betur,sérstaklega Alla mín sem var ekki nema eins og hálfs þegar hann dó. Við sýnum þeim samt reglulega myndir og segjum þeim sögur af honum. Í gær hefði hann orðið 57 ára.... Það var erfiður dagur.
 

Annars endaði árið ágætlega. Ég er búin að vera dugleg að koma mér áfram í tónlistinni,en elsku tengdapabbi var alltaf duglegur að styðja mig í henni. Í raun finnst mér ég vera að gera þetta svo mikið fyrir hann,því hann hafði alltaf trú á mér. Ég veit að hann situr við hlið mér og hvíslar hugmyndum af lögum í eyrað á mér,enda hef ég aldrei á ævinni samið jafn mikið af lögum. 

Ég er búin að vera að taka upp 2 lög eftir mig,annað sem ég samdi til tengdapabba. Svo hef ég verið að vinna ofsalega mikið með elsku Alan,sem er núna orðinn einn af mínum bestustu vinum,enda yndislegur maður. Við erum búin að halda saman tvenna styrktartónleika og erum dugleg að syngja fyrir hvort annað inn á lögin hjá hvort öðru,auk þess að vera að klára lag saman sem við ætlum að gefa út. Ég er svo að stefna að ýmsu í samb. við tónlistina sem ég vil kannski ekki gefa upp alveg strax....en ég get lofað því að það er allt saman mjög spennandi !! 

Í september ákvað ein af mínum elstu vinkonum hún Kristin Ólöf,en við erum búnar að vera vinkonur í 21 ÁR núna, að gifta sig honum Adda sínum. Þetta var yndislegur dagur í alla staði og þau hjúin voru svo yndislega að treysta mér fyrir tónlistinni í kirkjunni og svo fyrir að baka brúðartertuna þeirra. Við vinkonurnar vorum svo með smá uppákomu í brúðkaupinu þeirra og heppnaðist bara frábærlega. 

Það besta við allt þetta er það að elsku Kristín mín og Addi eiga von á gullmola,sem kom undir í kringum brúðkaupið þeirra.

Í desember,eða eftir desember,fékk nóg af sjáfri mér og ákvað að gera e-h í mínum málum og fór því í átak Ég sem hélt að ég gæti það ALDREI!! EN ég hef bara verið asskoti dugleg og er búin að missa um 3 kg á 2 og 1/2 viku,sem mér finnst frábært !!! Ég stunda súlufittness og dans 4x í viku og mér líður frábærlega. Ég er hvergi nærri hætt !!
 

 Fyrir (í nóvember 2009)....


og svo 3kg léttari bara 2 og 1/2 viku eftir breytt mataræði.
 

Elsku börnin mín bara stækka og stækka og Davíð Máni verður 10 ÁRA á þessu ári!! Alla mín varð 2 ára þann 10.jan og Sissa mín verður 4 ára þann 4.febrúar. Mamman á heimilinu varð svo 27 ára þann 4.jan og nálgast nú þrítugsaldurinn óðfluga,ekki það að ég hafi einhverjar áhyggjur af því. Hins vegar þá nálgast maðurinn minn þrítugsaldurinn aðeins hraðar en ég og verður þrítugur þann 2.apríl. 

Við eigum svo 3 ára brúðkaupsafmæli í byrjun Júní,ótrúlegt hvað tíminn líður hratt.

Ég held að ég sé búin að segja svona c.a frá því sem stóð upp úr núna síðasta ár og byrjun þessa árs. Þó svo að dagarnir séu búnir að vera bjartir og mikið gott gerst er samt alltaf þessi skuggi sem hangir yfir manni. 

Söknuðurinn hverfur aldrei.

Kveðja: Frú Wium.

† Guðmundur Ó.Jónsson

Kæru vinir,vandamenn og aðrir sem nenna að lesa þessa síðu mína !!!

Næstkomandi laugardagskvöld,þann 24.jan kl.20:10,mun ég syngja lag Grétars Sigurbergssonar í söngvakeppni sjónvarpsins í beinni á Rúv. Lagið heitir Close to you og er ballaða með pínu jass fíling . 
Fötin sem ég verð í eru eftir íslenskan hönnuð,sem er einmitt hafnfirðingur eins og ég ,og hún heitir Andrea Magnúsdóttir. Skartgripirnir eru síðan frá snillingunum í SIGN.
Þó svo að enginn sé skyldugur til þess að kjósa mig þá þakka ég fyrir allan þann stuðning sem ég fæ .
Ég hvet hins vegar alla að kjósa það lag sem þeim þykir flottast!

Kveðja: Frú Wium.

P.S Lögin 4 sem keppa næstu helgi verða spiluð á Rás 2 alla vikuna en einnig er hægt að hlusta á þau á www.ruv.is og þar veljið sjónvarpið og þar til vinstri,ef þið skrollið soldið niður,stendur söngvakeppni sjónvarpsins 2009 og þar verða svo öll lögin sem eru búin að taka þátt og taka þátt núna á laugardaginn
 

Í dag er yngsta barnið okkar Stefáns EINS ÁRS !!! Já hún Aðalbjörg Ósk á afmæli í dag og henni til heiðurs (og mömmunar sem átti afmæli 4.jan) verður haldin veisla í dag hérna heima. Það verður opið hús frá klukkan 17 og svo langt frameftir .

Elsku Alla okkar innilegar hamingjuóskir ár fyrsta afmælisdaginn þinn elsku gullið okkar. Við elskum við mest í heimi.
Kveðja frá mömmu,pabba og systkinum þínum!!!

 
Síðasta bumbumyndin
 
Alveg glæný


Alltaf svo glöð og kát, hálfs árs gömul


Næstum því orðin eins árs...og alltaf jafn glöð

Um daginn, eða stuttu eftir styrktartónleikana, fékk ég ofsalega skemmtilegt símtal. Stelpa sem ég þekki var að leita að söngkonu fyrir pabba sinn sem hafði s.s sent inn lag í undankeppni Eurovision. Ég ákvað því að fá að hlusta á lagið og ég var bara alveg ofsalega ánægð og sló því auðvitað til . Lagið er ofsalega fallegt og er ég því mjög stolt yfir því að fá þetta tækifæri. Ég verð í þriðja þættinum (að ég held) á Rúv,en þetta verður með svipuðu sniði og í fyrra nema ekki eins flókið er mér sagt hehe. Dagsetning er þá 24.janúar 2009,endilega fylgist með. En þetta símtal var víst bara byrjunin á skemmtilegheitum því daginn eftir fékk ég annað símtal . Það var frá ritaranum í Hvaleyrarskóla,en Davíð minn gengur í þann skóla. Guðríður ritari byrjar á því að segja að hún vilji nú fyrst fulvissa sig um það að hún væri að tala við rétta manneskju og spyr mig hvort ég hafi verið í Hvaleyrarskóla....
"Nei" svara ég þá.
"En hefuru einhverntímann sungið inn á plötu?" spyr ritarinn mig.
"Jaaaaá" svaraði ég og er svona að spá í hvert hún sé eiginlega að fara og hvaða plötu hún sé að meina.
"Fyrir Ómar Ragnarsson??" sagði ritarinn þá.
"Haha já" svaraði ég, ekkert smá forvitin.
"Já þannig vill til að hann Ómar hringdi hingað áðan og var að leita að þér, en hann hélt að þú hefðir gengið í þennan skóla.
"Nú nú" svaraði ég hálf gapandi og HISSA!!
"Hann ætlar að hringja hingað aftur eftir smá stund,má ég gefa honum símanúmerið hjá þér??" spyr Guðríður.
"Já ekkert mál,takk fyrir kærlega" sagði ég og kvaddi.
WHAT!!!!!
Stuttu síðar hringdi Ómar svo með þær upplýsingar að hann væri búinn ð leita að mér í mörg ár!!!! En ég breytti nafninu mínu í Kristín Ósk WIUM Hjartardóttir, en hann vissi það auðvitað ekki og fann mig bara hvergi hehe... En allavega þá var hann að fá mitt leyfi til þess að setja lag sem ég söng inn á disk fyrir hann á safnplötu til styrktar mæðrastyrksnefndar og heitir platan Birta-Styðjum hvort annað og fæst m.a á www.tonlist.is . Ég sagði auðvitað að það væri meira en sjálfsagt. Þannig að þið greyin mín eigið eftir að heyra nóg af mér núna á næstunni HAHAHAHA . 
Svo var ég að syngja á tónleikum fríkirkjukórsins, en ég fékk að syngja oggupínupons ein þar. Þetta voru alveg ofsalega vel heppnaðir tónleikar í alla staði. Svo var okkur,kórnum og mökum,boðið af kirkjunni í jólahlaðborð í safnaðarheimilinu og ég hef sjaldan skemmt mér eins vel. Ef ég á ekki yndislegustu og bestu kórfélaga,kórstjóra og presta í heimi skal ég hundur heita . 
En jæja ég segi bara gangi ykkur sem best með jólaundirbúninginn.

Kveðja: Frú Wium.

Plata til styrktar Mæðrastyrksnefnd

Hljómlistarhópurinn Birta, sem í eru tíu söngvarar, tíu hljóðfæraleikarar og einn laga- og textahöfundur, hefur gefið út á tónlist.is ígildi hljómdisks með níu lögum undir nafninuBirta - styðjum hvert annað.  Allt söluandvirðið, hver einasta króna, rennur óskipt frá byrjun til Mæðrastyrksnefndar því að allir flytjendur og aðrir sem koma að þessu gera það endurgjaldslaust.   

Meginstef laganna er áhersla á æðruleysi, kjark, trú, samstöðu og gildi lands og þjóðar. Ekkert laganna hefur áður komið út. 

Söngvararnir eru Ari Jónsson, Edgar Smári Atlason, Elísabet Ormslev, Halli Reynis, Helga Möller, Kristinn Sigmundsson, Kristjana Stefánsdóttir, Kristín Ósk Hjartardóttir, Ómar Ragnarsson og Ragnar Bjarnason. Hljóðfæraleik annast Einar Bragi Bragason, Erik Quick, Grétar Örvarsson, Gunnar Þórðarson, Jon Kjell Seljeseth, Jón skuggi og Pétur Hjaltested. Hljóðblöndun og stúdíó: Gunnar Árnason, Gunnar Þórðarson, Jon Kjell Seljeseth, Jón Skuggi og Hjaltested.

Ég vil byrja á því að þakka öllum sem mættu á styktartónleikana, sem ég hélt fyrir hann Hrafnkel Inga Adams&Heiðason,alveg kærlega fyrir að koma og styrkja fjölskylduna.Einnig vil ég þakka öllu þessu frábæra tónlistarfólki sem kom og lagði hönd á plóg. Flest allt tónlistarfólki gaf ekki einungis vinnu sína,heldur styrktu þau öll litla Hrafnkel líka og borguðu sig inn eða löggðu inn á reikninginn hans. Ég var alveg ofsalega heppin að hafa hana Eygló, sem er sönkonan í hljómsveitinni Vicky og vinnur einnig á Gamla bókasafninu, mér til hjálpar á tónleikakvöldinu.Takk elsku besta Eygló það var æði að fá að hanga með þér hehe...
Annars heppnaðist allt eins og best var á kosið og safnaðist alveg hellings mikið af peningum fyrir þau elskurnar! Ég er alveg ótrúlega stolt af því að fá að vera manneskjan sem auðveldaði þeim kannski pínu förina út.
Fyrir ykkur sem ekki komust á tónleikana vil ég benda á að styrktarreikningurinn hjá Hrafnkeli Inga er eftirfarandi:
Reikningsnúmerið er 0301-13-701910 kt:191008-2190 
Munið líka að margt smátt gerir eitt stórt!!

Fyrir tónleikana þurfti ég að fara niðrí banka til þess að stofna reikning svo að það sem kæmi í posann sem ég fékk lánaðan færi inn á sér reikning. Þar sem ég stóð í afgriðslunni, og var by the way með hárið í hnút,máluð í hælaskónum og kápunni minni, og var að spyrja um það hvernig reikning væri best að stofna fékk ég spurningu sem MADE MY DAY!! Ég var s.s spurð að því HVORT ÉG VÆRI EKKI ÖRUGGLEGA ORÐIN 18!!!!Hahahahah híííí á ykkur sem hafið áhuggjur af hrukkum og gráum hárum hehehe.... Ég hef nefnilega ALDREI haft áhyggjur af þessu öllu saman og að eldast,en það skal tekið fram að það er INNAN við MÁNUÐUR þangað til ég verð 26 ÁRA. Það borgar sig líka greinilega að hafa EKKI áhyggjur af þessu öllu saman...!! En svona er lífið skemmtilegt hehe. Plús það að þegar við skvísurnar vorum útí N.Y þá var ég SÚ EINA sem var spurð um skilríki þegar við keyptum okkur drykki á einum staðnum heheh.... I love my life!!

Takk aftur fyrir allir saman sem mættuð á tónleikana og takk fyrir svona jákvæð viðbrögð of falleg orð :)
Elsku Heiða,Adam og krakkar ég vona innilega að þetta hafi hjálpað e-h pínulítið.

Kveðja:Frú Wium.